Paani ki samasya in delhi

Paani ki samasya toh har jagah hai chaahe woh vaillage ho ya town,lekin mujhe lagta hai ki delhi mein paani ki samasya kuch jyaada hi hai,yahan par logo ko kiraya par room toh mil jaata hai lekin kami hai toh sirf paani ki,yahan tak ki logo ko pine ka paani bhi kharid kar pina padta hai.pani ki bahut samasaya hai delhi mein.

   Aakhir pine ke paani ka itna kami kyun hai yeh bahut hi bada sawaal hai.delhi mein Yamuna nadi hai jo delhiwaalo ko pine ke paani kaa source hai,lekin kya apko pata hai ki hum aj jo paani ki samasya se jo jujh rahe hai woh hamaari hi karani kaa fruit hume mil raha hai,woh kahte hai na jaisa boiyyega waisa hi paaoge.

hamari nadiyan hamare hi aaram ke kaaran sukhte jaa rahi hai,paani jahrili banti jaa rahi hai,nadiyon mein itni gandagi hai ki jise piya nahi jaa sakta hai.ganga river ko hi le lelo jo hameha saaf rahne waala jal aj kis prakar ganda hua pada hai jise dekhkar aj sabhi log pareshaan hai ki ganga ko kaise saaf kiya jaaye,sochiye jis ganga ko ganda karne mein hum koi kami nahi chorr rahe use hum ghar mein hi laakar rakhte hai aur puja mein sabse pehla upyog ganga ka hi hota hai.

Earth par freshwater only  2.5% hi hai,itna kam freshwater hai phir bhi hum isski ijjat nahi karte hai.

River ke paani ko hum kitne tarike se ganda karte hai aayie dekhe:-

• Sabse jyaada nadiyaan puja-paath ki wajah se gandi hoti hai,log nadiyon mein jalta hua diya chorr dete hai,flowers ki maala chorr dete hai,murtiyon ko river mein puja samapt hone ke baad prawaahit kar dete hai.sochiye, jinn murtiyon ko nadiyon mein daala jaata hai unme kitne rang aur chemical milaaye jaate hai aur phir hum ushi paani ko filter karke pite hai.

• Dusra yeh ki asthiyon ko bhi nadiyon mein daala jaata hai.

• Log nadiyon mein asthiya toh daalte hi hai saath mein nar kankaalo ko aadha jala hi nadiyon ke kinaare chorr jaate hai jo baad mein nadi mein hi mil jaata hai.

•    Factory se nikalne waale saare gande awsesh,colour aur chemical saare ke saare nadi mein hi mil jaate hai.

Kya hum inn awshesho ko pani mein daalne ki jagah kahin aur nahi daal sakte hai?logo ko lagta hai ki paani hi sabse sahi jagah hai puja-path ke awshesho ko  daalne ka.kya yeh sahi jagah hai,mujhe lagta hai ki paani soil se bhi jyaada ganda hota ja raha hai kaise, aaiye apko batate hai-hum nadiyon mein nahate bhi hai-saath mein kapde bhi dhote hai,jaanwaro ko bhi nahate hai,gadiyon ko bhi dhote hai,saath hi asthiyon ko paani mein daala jaat hai so ap hi bataye ki kya paani saaf hai murtiyon ko daalne ke liye aur puja saamgri ko daalne ke liye.

Nadiyon ke Paani ko clean rakhne ke liye kuch ninmn kadam uthaye jaa sakte hai:-

•  Sarkaar ko chaahiye ki puja mein upyog kiye jaane waale saamgri ko nadiyon mein na jaane de,isse daalne ke liye koi anya tarike apnaye jisse nadiyaan clean rahe.

• Nadiyon ke kinaare murdo ko naa jalaya jaaye iske liye sarkaar ko sakht kadam uthaye jaane chahiye.unhe jagah-jagah par murdon ko jalaane ka intezaam karna chahiye,ho sake toh nayi taknik ka bhi upyog kare jisse nadiyon ko ganda hone se bachaya ja sake.

• Factory se nikalne waale awsesho ko bhi nadi mein nahi jaane dena chaahiye. 

Gandagi ki wajah se aj nadiyaan sukh rahi hai,logo ko chahiye ki apne haatho se hi apne jeevan ko khatam na kare kyunki jal hi jeevan hai.

Nadiyaan jab saaf rahengi tabhi usme rahne waale jiv-jantu bhi surakchit rahenge aur hum bhi anek bimaariyon se bache rahenge.