Daily soaps(dharawahik) in india

              

                            

T.v mein aurtein sabse jyaada dharawahik dekhana pasand karti hai kyun sahi hai na.dharawahik mein aakhir aisa kya hai by jise aurtein khaas pasand karti hai,aaiye hum aur ap samajhte.

Adhiktar dharawahik mein aurtein main role mein hoti hai,isme main kirdaar aurton ka hi hota hai aur woh bhi kya jyaada se jyaada tears bahaane ka.

Dharawahik mein aksar yeh dikhaya jaata hai ki pariwaar mein jab bhi koi badi ghatna hoti hai tabhi saara blame aurat (main role) ko dete hai aur use phir ghar se nikaal dete hai ya nahi bhi naikaale toh use torcher karte rahte hai,taane sunaate hai,sab tumhaari wajah se hua,par baad mein jab sachchaai malum padti hai tabhi sab us aurat se jo main role mein hoti hai sab thanks kahte hai.

Dusra sabse bada scene yeh hota hai ki jab ek ladki shaadi karke apne sasuraal aati hai tab uske taur tarike dekhkar uski saas kahti hai tumhare andar humare bahu banane ke koi bhi goon nahi hai,tabhi saas ek sart deti hai ki tumhe pariksha deni hogi aur iss pariksha mein tumhe paas hona hoga tabhi tum iss ghar ki bahu ban kar rah sakti hai warna tumhe baahar jaana hoga.

Aj kal dharawahik mein yeh bhi khub dikhaya jaa raha hai ki shaadi toh ho gayi lekin dulha-dulhan alag-alag so rahe hai ek sophe par aur ek bed par shaadi se khush nahi hone par,unme dhire-dhire pyaar ho raha hai jise bhaut lambe samay tak dikhaya jaata hai.

Sabse mukhya scene ki ghar ke log aapas mein hi ek dusre ke khilaaf saazish kar rahe hai chaahe woh saas ho ya koi aur,sab ek dusre ke khilaaf saazish karte rahte hai.

Ek aur scene jo abhi dikhaya jaa raha tha ki biwi hai phir bhi pati ki girlfriend ghar aakar ek ladki rahti hai aur kahti hai main tumhaare pati ko tumse chinkar hi rahungi kyunki uska pehla pyaar main hun.aur yeh bhi dikhaya jaata raha hai ki log kaise ek shaadi suda jode ko kis prakaar uski saas ya koi aur todne ki kosish karte rahte hai.

Mujhe ek baat yeh samajh nahi aata hai ki jab kisi ek dharawahik mein koi ek scene chal raha ho jaise ki koi mar hi gaya toh sabhi mein wohi dekhne ko milta hai yeh kaise sambhav hai agar sabhi dharawahik ki story alag hai toh.abhi sabhi mein yeh bhi dekhne ko mil raha hai ki jo main role mein hai woh apne pariwaar se dur ho gaye aur kisi ke ghar mein rah rahe hai ya phir mar gaye phir bhi kahin na kahi se story banakar use hi le aate hai.jab bhi main serial dekhti hun aur sab mein ek chize dekhne ko milti hai toh lagta ki kya in dharawahiko mein koi story hai agar hoti toh similarity dekhne ko nahi balki sabme different dekhne ko milta.
                    inn sabko dekhkar logo mein kya message jaayega ap bhi vichar karke dekhe apko achcha lagega.

Ek sabse badi baat yah hai ki dharawahik ki koi time limit nahi jiske wajah se dharawahik chalet rahti hai bina kisi story ke pata hi nahi chalta hai ki aakhir iss dharawahik ka story kya hai.jaise ki filmo mein time 3ghante ka ho tabhi film achchi lagti hai agar 3 ghante se jyaada ki hui toh boriyat lagti hai.dharawahik mein bhi yahi rule hai.

Inn sab scene ko dekhne ke baad mujhe nahi lagta hai ki dharawahiko mein story par dhyan diya jaata hai.dharawahik mein lamba jyaada khichte hai aur story ka pata nahi chalta hai,mere khayal se serial mein bhi time limit honi chaahiye aur rishton ko yun todte hue nahi dikhhate rahna chaahiye.

Mujhe sasuraal genda phool bahut achcha lagta tha kyunki usme jo suhaana ki saas,badi chaachi saas thi woh humesha suhaana ko pyaar se samjhaati thi kuch bhi galti karne par,saath mein hume bhi kuch sikhane ko milta tha.main chahungi ki har ladki ko iss dharawahik ke jaise hi sasuraal mile.afsar bitiya yeh bhi ek bahut hi badhiya serial tha jo hum ladkiyon ko kuch kar gujarne ki prerna deta hai.  present mein diya aur baati ek achchi dharawahik hai jiski story samajh aati hai aur alag bhi lagta hai.yeh rishta kya kehlata hai yeh bhi ek achchi dharawahik hai jisse humesha kuch na kuch sikhne ko milta hai chaahe kyun naa woh rishton ko majbut karne ke baare mein ho and nisha aur uske cousins yeh bhi mujhe achcha lagte hai kyunki usme thoda hasane ko milta hai,doli armaano ki jisme gharelu hinsa se ladne ke liye  kya karna chaahiye dikhaya jaa raha hai.iss pyar ko kya naam doon yeh bhi achchi hai,comedy nights with kapil yeh bhi achchi hai. 

                Dharawahik aise hi hon chaahiye jisme kuch sikhane ko mile,hasane ko mile janta ko aware kiya jaa sake,aise story hone chaahiye jo ki ghar ke log aapas mein game na khelte rahe ki kaise dusre ko ghar se nikaala jaaye,yeh mujhe bahut bura lagta hai.

Rishton ko jodta hua dikhana chaahiye na ki todna aur na hi yeh ki t.v par shaadi suda zindagi ko koi jaan bujhkar todta rahe yeh dikhaya jaaye kyunki t.v se hamari zindagi bahut prabwhahit hoti hai.

 dharawahik mein bhi yeh na dikhaya jaaye ki aurtein galat baaat ko bhi chup-chaap sunti rahe.aurtein mukhya bhumika mein rahe lekin saas ke dwara ya kisi aur ke dwara bhi pareshaan karti hui na dikhaya jana chaahiye.dikhaya yeh jaana chaahiye ki aurton ko sabhi support kare humehsa aage ki aur badhne mein log uski help karte rahe.mere khayal se logo  ko bhi yahi dekhna achcha lagta hai ki kis tarah dharawahik mein bhi aurtein sangharsh kar rahi hai.kya serial mein bhi kabhi yeh dikhaya jaata hai ki kisi patni ne apne pati ko ghar se nikala hai mere khayal se nahi lekin jab serial mein bhi aurat ki baat  hoti hai toh sabhi milkar use ghar se nikaalte hai,sabhi uspe ungli uthate hai,serial bhi purushpradhan banate hai.

Dharawahik mein bhi kuch nayapan hona chaahiye jo alag ho rishton ko todne ke alaawa.