kanya bhrun hatya

         

  Female foeticide(kanya bhrun hatya)

Female foeticide aaj ke time par aam baat ho gayi hai jo ki yeh bahut badi samasya hai. Ultrasound machine kaa istemaal rogi ki aantrik ango ko dekhne ke liye&ek maa ke kokh mein pal rahe bachche ki jaanch ke liye banaya gaya lekin iska upyog nahi durupyog hone laga jiske parinaamswarup aj ladkiyon ki sankhya kam hoti jaa rahi hai bharat mein.Ek mahila ko vivash kiya jata hai use kaha jata hai ki apne bachche ko apne andar se nikal pheko,kya padhe likhe log aur kya anpadh sabhi iss gunah mein saamil hai.Aaj kal jo log padhe likhe log hai wahi  saare gunaho ko anjaam de rahe hai .Ab doctor ko hi le lijiye logo ki jaan bachaane ke bajaye masum si bachchi ke kaatil bane hue hai ,doctor se kya complain karna jab khud ke maa baap hi ek baby girl ko safe nahi rakhna chahte. 

 Rajasthan,delhi,punjab,haryana ,kerala,rajasthan ye aise state hai jahan kanya bhrun hatya aam baat hai.Agar isi tarah female foeticides hote rahe toh yakinnan woh bhi ek samay aayega jab ek stri se paanch purusho ko vivah karna padega.Manav jati prakriti ke har rules ko todta jaa raha hai apne benefit ke liye lekin use pata nahi ki woh apna hi naash kar raha hai.

•  Rudhiwadi,paramparawadi samaj ki yeh manyata hai ki ladki se vansh aage nahi badhta.agar mujhe sirf ladki hui aur ladka ek bhi nahi hai toh ladki saadi karke apne sasuraal chali jaayegi aur mera vansh khatam ho jayega.lekin logo ko yeh pata nahi ki ladki hi vansh ko aage badhane wali hai .sirf ladko se vansh aage nahi badhta,jab beti ko hi maar doge toh bahu kaha se laaoge ,bij ko hi khatam kar doge, fruits kahan se paaoge.
• Samaj ki dusri manyata hai ki ladki apne pita ke marne ke baad usko agni nahi de sakti.
•  Samaj me faili hui dahej pratha.Dahej lena aur dena hamare haath mein hai jise hum rok sakte hai .
• Nayi generation ki new life style shaadi se pehle relation banana yeh bhi ek bahut bada karan hai bhrun hatya ka.

Inhi kuch kaarno se log ladki se uske jine kaa hak chinn lete hai ,jo bahut sharmnaak baat hai.

Ek ladki ke saare decision yahan tak ki janam se pehle hi uske maa -baap,dada- dadi le chuke hote hai,ek maa bhi lachar hokar kathputli ki tarah saare decisions maankar apni beti ke saath anyay kar baithti hai.Ek ladki ki sabse badi apradhi aur sabse pehle apradhi uski maa hoti hai.

Independence ke 67yrs bit jaane ke baad bhi  women's aj bhi ajad nahi hai apne faisle khud lene ke liye, aurton ko samanta kaa adhikar nahi hai, jiska result ap sabke saamne hai ki aj women's ki kya halat hai female foeticide ke naam pe unki hatya ho rahi hai.