Ek ladki ka ghar

EK ladki ka ghar aakhir kaun sa hota hai woh jahan woh janam leti hai ya woh Jahan uska sasuraal hota hai,log toh yeh kahte hai ki ek ladki ka ghar uska sasuraal hota hai achcha ho ya bura,ladkiyaan apne sasuraal mein hi sobha deti hai.
kuch maa-baap aise hote hai Jo yeh chaahte hai ki shaadi ke baad v humari  saari baatein sune humara beta chaahe woh galat hi kyun na ho aur uski biwi sahi kyu na ho phir v uski baat na maano aur kuch bete aisa hi karte hai Jo apne maa baap ki har baat maante jaate hai,result kya hota hai sabhi milkar sataate rahte hai bahu ko dahej ke naam par aur tab v man nahi bharta toh sabhi Milkar jala dete hai,kya yeah ek aadarsh beta tha Jo maa baap ki har baat maanta gaya ya woh v dahej ka laalchi tha.kahin na kahin pati v apni biwi par ho rahe atyachar mein bhagi hota hai,main yeah nahi kahti ki sabhi aisa karte hai kuch hai Jo aisa karte hai.

Kahte hai ki maa baap bachche ke pehle guru hote hai,yeh kaise guru the Jo apne bete ke saath khud v jail chale gaye.

Jab hum chote hote hai aur kisi v chiz ki zid karte hai toh mummy samjhaati hai ki yeh galat hai agar naa samjhe toh maarti hai lekin zidd ko nahi manati hai,toh phir Jab maa baap kisi galat baat ki zidd karte hai toh hamara v farz banata hai ki hum unki baat na maankar apni sujh bujh se kaam le.kisi begunaah ko saza na De,sataate na rahe.

Mere khayal se ek ladki ka ghar koi v nahi hota hai.jab sasuraal waale ek ladki ko sataate hai,pareshaan karte hai toh v maaykewaale kahte hai ab Jo v ho tumhara ghar wohi hai,lekin uska ghar agar woh hota toh pareshaan nahi karte sabhi milkar, woh v jisne saaat wachan liye usne v.
bhale hi 100 kanun ho, kanun toh yeh v hai ki beti jahan janam leti hai wahan uska  hissa hota hai aur sasuraal mein uske pati ke hisse mein adha hissa hota hai Lekin kya maa-baap beti ko uska hissa dete hai jab woh apne sasuraal mein pareshaan hoti hai,use jab sataya jaata hai,kya maa baap yeah kahte hai ki tum humare paas aa  jao tum yahan rah sakti ho.kuch maa baap hi aise hote hai Jo kahte hai aa jao.kya kare aurat sahte hue rahti hai ki agar main yahan se chali gayi toh mera kharch Kaise chalega.

Main sabhi maa baap se yeah kehna chaahti hun ki apni beti ko itna kaabil banaye ki kam se kam apna kharcha khud utha sake.har ladki ko apna bojha khud uthane ko sochna chaahiye,taaki samay aane par woh yeah na soche ki main kahan jaun mera bojha kaun dhoyega.