Relationship between husband and wife

Har ladki ke man mein bhavi jeevansaathi ko lekar khub saare khwab hote hai ki mera bhavi jeevansaathi jaisa main chahti hun waisa hi ho,agar jyada bhi na ho toh kam se kam thoda toh caring ho,goodlooking ke mamle mein agar jyada bhi nahi toh thoda toh hona hi chahiye,achcha khasa paise kama leta ho,pyar karne wala ho,mere har such dukh mein saath nibhaye aisa nahi ki sukh mein saath nibhaye aur dukh pada toh saath chod diya,jaisa maine socha hai mera rajkumar bilkul waisa hi hona chahiye kahe deti hun papa.lekin kya aisa ho pata hai,mujhe lagta hai nahi,bahuton mein kuch hi aisi hoti hain jinhe apne sapno ka rajkumar milta hain.

Bahuton ke muh se suna hai jodiyan swarg mein banti hain,kya aisa hota hai mere khayal se jinko manchaha jeevansaathi mil gaya uske liye toh jodiya swarg se hi bankar aayee hain lekin jinko manchaha jeevansaathi nahi mila satane,maarne pitne waala mil gaya toh uske liye aap kya kahenge,unki jodiyan kahan bankar aati hai,sochiye, soch kar bataiye.

Jab ladki apne pyaare se maayka ko chodkar aati hai toh use lagta hai ki uske sasuraal mein sabhi se pyaar mile khaas kar pati se bahut pyar aur support mile,lekin sabhi ladkiyaan itni khusnashib nahi hoti ki unhe yeh sab khusiyaan mil jaaye.

Saas sasur toh chodiye pati bhi ladki ko satane ko koi kami nahi chodta kabhi dahej ke naam par,kabhi drink karke aane ke baad jo pitaai karta hai aurat ki naa pucho,toh kabhi bachacha nahi paida kar pane ke naam par satana dusra vivaah kar lena etc…lekin phir bhi jo aurtein dependent hai woh aurtein compromise karte hue uske saath rahti hi hai.

 ladke kyun nahi compromise karte hue apne jeevansaathi ke saath khusi se rahte hai .jab kisi sundar si ladki ko langra pati mil gaya ,kisi ladki ko gunga pati mil gaya toh kisi ko sharab pikar pitne wala pati mil gaya,toh kisi aurat ko uske aadmi ki kami ke karan usko bachacha nahi ho raha toh kya aurtein duja vivah kar leti hai mere soch se toh nahi pati ke har such dukh mein saath deti hai lekin kya pati  apni aurat ke dukh mein saath deta hain sochiyen.auratein itna kuch hone ke baad bhi compromise karke uske saath rahti hai apna bhagya,apna jeevansaath samajhkar,kya pati aisa nahi kar sakte.