help

Help karna duniya ka sabse mahan kaam hota hai woh kahte hai na karm hi puja hai,bhale hi ap puja na karo kintu logo ki help jarur karna,bade kahte hai ki logo ka help karne se logo ki dher saari dua milti hai jo ki anek tirthsthan jaake milne waale aashirwaad jitna hai.kintu aj toh help karne kaa dhang hi ajib ho gaya hai,log help karne ke naam par uss insaan kaa sab kuch chin lete hai.

agar koi ladki kisi aadmi se help maangti hai toh woh iska galat fayda uthate hai,agar ladki kahti hai ki main raasta bhul gayi hun mujhe raashta bata do toh ek admi bhai,beta,uncle hone ke naate use sahi raah nahi dikhata balki ek darinda bankar uski aabru hi lut leta hai,

 jab koi ladki kisi anjaan admi se lift maangti hai kahti hai mujhe falan jagah jaana hai bahut jaldi hai,use falan jagah pahuchaane ke jagah sunsaan jagah le jaakar uske saath rape kar dete hai,

kuch police aur doctor bhi help ke naam par aisi sharamnaak ghatna ko anjaam dete hai,

meri ek saheli hai jisne mujhe apne bare mein bataya,usne mujhe yeh bataya ki woh market se ghar jaa rahi thi toh woh raashta bhatak jaati hai,usne raashta ek dukaan waale admi se pucha toh us adami ne kaha ki main raasta bata deta hun tum chale jaao saath mein usne yeh bhi kaha ki tum raasta mein kisi aur aadami se naa puchna ki main raasta bhul gayi hun mujhe chod do,aur agar woh yeh kahe ki chalo main tumhe chod deta hun tabbhi nahi jaana,sochiye aj kya situation hai ek admi bhi jaanta hai ki dushra admi help karne ke naam par kya kar sakta hai,sochiye woh ek anjaan aadmi hokar bhi yeh sab keh raha tha.aj help karne ki yahi defination ho gayi hai main yeh nahi kahti ki sabhi log aisa karte hai.

Aj din dahare koi bhi kisi ko bhi maar jaata hai lekin public dekhte rahti hai kuch bhi nahi karti hai agar woh chaahte toh uski help kar sakte the uski jaan bach sakti thi usko sahi samay par hospital le jaakar lekin nahi aj koi bhi kisi ki bhi help nahi karna chahta ki kahin meri jaan khatre mein na pad jaaye.

Aj aisi situation hai ki kisi se bhi help maangne se darr lagta hai.aj kisi bhi admi ko bhai ki najar se dekh paana mushkil lagta hai,agar koi bhi aadmi help bhi kar raha hota hai toh aisa lagta hai jaise maano dusre hi pal kahin kuch galat na kar baithe hamare saath. Main yeh nahi kahti ki sabhi aisa karte hai lekin aisa bhi hota hai.

Agar koi ladka bhi help maange toh use bhi nahi chodte usko gun dikhakar uska saare kimti saaman chin  lete hain kabhi kabhi aisa bhi hota hai ki jyaada virodh karne par use maar bhi dete hain.

Hume daanvir karn se sikhna chahiye ki kis tarah woh apne kawach aur kundal daan mein indra bhagwan ko de dete hain yeh jaante hue bhi ki agar yeh unse chin jayega toh uski mrityu nischit hai.

Eklavya ne bhi apni daahina haath ka angutha dronacharya ko guru dakchina ke rup mein de diya tha ye jaante hue bhi ki iss anguthe ke bina uska astitva hi chin jayega woh kabhi dhanurdhari nahi ban paayega .kahne kaa arth yeh hai ki pehle ke log daan mein apna sab kuch de diya karte the bina kuch soche aur aj ke log hai sabkuch jabardasti chin lete hain bina diye help ke naam par.hume kuch sikhna chahiye karn aur eklavya jaise mahan purushon se.

Main logo se yahi kehna chahti hun ki jab kisi ko de nahi sakte toh kisi se uska kuch chiniye bhi nahi.

hume apne haath help karne ke liye uthana chayee naa ki pakad kar chodne ke liye.