Rape(a very dangerous for woman)

Kisi bhi insaan ke liye uski ijjat hi sabkuch hoti hai,ijjat jitni purushon(male) ke liye important hai utni hi ek aurat ke liye,apni ijjat sabko pyari hoti hai.jab ijjat hi chali gayi kisi bhi insaan ki toh bachega kya uske paas,paise

toh jaane ke baad phir kamaaye jaa sakte hai lekin khoi hui ijjat kabhi waapis nahi aa sakti.jaise kisi bird ke saare pankh gir jaane ke baad sochiye kya uski halat hogi,ap samajh sakte hain.

                   Mard apni hawas,ichcha aur masti ki purti ke liye aurton ki jindagi aur ijjat se khel kar khush ho jaate hain lekin woh yeh nahi sochte ki jindagi aur ijjat rawan ki tarah 10 nahi hote, ki ek gaya toh koi nahi balance 9 hai,jindagi aur ijjat dono hi ek hote hain jaane ke baad nahi milta.

Pehle single rape hota tha kintu abhi saamuhik balaatkaar hota hai,news mein jab bhi rape ki khabar aati hai toh woh hai gang rape,kitni darindagi se rape karte hai aur phir apni pehchan aur sabut chupane ke liye uska murder kar dete hai.

Ek ladki ko rape ke baad kitni badnaami aur jillat kaa saamna karna padta hai,log use ghrina ki drishti se dekhte hai,tarah-tarah ki baate baate banate hai jabki usme ladki ki koi galati bhi nahi hoti hai,log yahan tak bhi keh dete hai ki ladki kaa hi character kharab hoga isliye uske saath aisa hua.kya ladki hona,ek ladki kaa gunaah hai.gunah karne waale aasani se ghumte hai  aur jinhone kuch nahi kiya unhe duniya doshi maanti hai kya yeh sahi hai.

Jab koi ladki rape kaa sikaar ho jaati hai toh woh suicide kar leti hai,aur agar jisne case kiya hai unka case saalo saal chalta rehta hai tabhi success hoti hai,kabhi kabhi aisa bhi hota hai ki jo jaada paise waale  hai toh woh gawaaho ko kharid lete hain aur case se aropi ko mukti mil jaati hai.aisi hai hamari kanun hai.ek sach yeh bhi hai ki rape karne waale ko bahut support milta hai use bachane ke liye 100 hath uthte hai lekin rapist ladki ka bahut hi kam log saath dete hai.kya yeh gunah ko badhawa nahi deti.

Police kaa har jagah rehna mumkin nahi hai kya police har kisi ke ghar mein toh jaakar nahi reh sakti,ap hi bataiye,main aisa isliye keh rahi hun kyunki bahut saari aurtein ghar mein hi apne kisi rishtedar ke haathon rape kaa shikaar ho jaati hai,police kuch nahi kar sakti jab tak ap(male) apni soch nahi badalenge,apne andar ke saitaan ko ap khud hi maar sakte hai ise koi aur nahi maar sakta.

Hairani ki baat toh yeh hai ki yeh kisi bhi umar ki ladkiyon ko nahi chodte,itni hawas hai ki yeh bachchi ,budhi kisi ko bhi nahi chodte.

ek teacher jo hamara guru hota hai jise hum pujte hai,ek doctor jise hum bhagwan ka dusra rup maante hai,rishtedaar,ek police jiss par hum sabse jaada bharosa karte hai,jab inhi logo se hum surakchit nahi toh phir sochiye ki hum kahi surakchit nahi hai,main yeh nahi kahti ki sabhi aisa karte hai lekin aisa bhi hota hai.

           rape ki samasya bahut badi samasya hai aurton ke liye,auratein kisi ki bhog ki yaa kisi ki baap ki jaagir nahi hai jab mauka mile toh uska fayda utha liya,kisi chalti gaadi mein toh,kisi chalti bus mein.daru,porn net pe,blue film,tv pe kam kapde pehnana(bikni),bold scene dikhana tv pe,power capsules kaa bhi log galat istemaal karte hai,in sabka bhugtaan aurton ko karna padta hai apni ijjat aur jaan gawan kar.

Main purushon se bas itna hi kehna chahti hu ki agar ap kisi ki behan,beti ko gandi najar se dekhte ho toh yeh jaan lijiye ki apki behen,beti bhi iska shikar hoti hai.aurton ko bhi khule aakash mein jine ka hak hai ise mat chino ise pinjre mein kaid rahne par majbur naa karo.apni iss harkat se apni janam dene waali maa ko sharminda naa karo.behan,beti aur maa ke najar se dekho aurton ko tabhi ye samaj sudhar sakta hai.

                   Sochye kaisa hamara samaj hai ladke itni sharamnak harkat karte hain phir bhi log chaahte hai ki ek maa ke kokh se beta hi paida le,kya ye iss layak hai,soch ke dekhiye achcha lagega.