Poem -Ghoonghat ke piche

Main hun ek sundar si,najuk si kali jise ghunghat mein naa rakho warna main na khil sakungi,
Jaise ki gulab kaa wajud hota hai khule hawa mein ,gar rakhoge kapde se baandh kar toh woh bhi jaiyegi murjha,

chehre se hi toh thi meri pehchan use hi chupane ka jaari kar diya pharmaan,
batao mere chere ko chipane wale,
gar mere chahre ko hi doge chipa toh dilaaoge kaise mujhe meri pehchan,itna mujhe batana,

Jab bhi main garmiyon mein baahar jaati hun tabhi yeh pasine bhi mujhse  kahte hai ki kaash,gar apne ghunghat ko chehre se deti hata toh mujhe yeh hawa jaati sukha,

Aur jab thandi mein main jab bhi baahar jaati hun tabhi yeh suraj bhi mujhse kehta yeh baar-baar ki gar tum apne ghunghat ko hata leti toh main tujhe kar jata garam,par lagta hai mera nasib nahi ki jaun tujhe chukar,

Mujhe tha sukun ki chalo main hun ghunghat ke piche,hun main surakchit,lekin thi main galat ho gayi main bhi rape ka shikaar jahan chali gayi meri saari haya,pata bhi nahi chala ki ghunghat ke piche bhi rahke main ho gayi barbad,laaj naa bacha saki meri yeh kapde ki ghunghat,

Maine ghunghat kiya bado ko samman dene ke liye apne aur gairo ke lekin usi ne li meri abru,maine unko samman dene ke liye kiya ghunghat aur unhone hi nahi kiya meri ghunghat ka samman.

Mujhse hui aisi kya khata jise diya suna saja lekin, yeh bhi nahi bataya ki mujhse hui kya khata.