crimes against girls child in india
jis umar mein childrens ki khane- khelne,padhne likhne ki umar hoti hai us umar mein ladkiyaan crimes kaa shikar ho jaati hai.
Bihar,rajasthan,madhyapradesh,uttarpradesh,mein baal vivaah jaise crimes apna leg pasaare hue hai,jin bachchon ko vivaah kaa matlab nahi pata unka vivaah ho raha hai.kya padhne kaa adhikaar nahi hai inhe,yeh age inki shiksha grahan ki hoti hai.jab yeh padhegi nahi toh woh apne adhikaro ke baare mein kaise jaanegi, yahi karann hai ki woh apne saath ho rahe anyay kaa samna nahi kar paati hai aur chup chaap jurm sahti hai. ek ladki ko baal vivaah karke kamjor kar diya, aage woh kaise ladegi apnne haq ke liye, shaadi ki sahi umar sarkaar ne ladko ki 21&ladkiyon ki 18yrs sunischit ki hai.baal vivaah karne par saja bhi hai lekin kya fayda baal vivaah aj bhi ho rahe hai.india ke logo ke liye kanun kaa koi matlab nahi hai.kanun bhi in apradho ko nahi rok paa rahi hai,kanun bhi sirf kuch panano mein simat kar rah gayi hai.
Aj aam baat ho gayi hai ki kuch mahino ki baby rape kaa shikaar ho jaati hai.school jaane waali ladki rape kaa shikar ho jaati hai,school mein teacher ki buri najar us par padti hai yaa baahar.har umar ki ladkiyon ke saath balatkaar aur uske baad murder kar diya jata hai,sochiye kitni sharmnaak baat hai,ladkiyaan koi saman nahi jise jab,jaise chaha waise istemaal kiya aur fek diya,yeh hawas ki chij nahi hai ki sirf use isi najar se dekha jaaye ,jis tarah chaaku kaa istemaal khaas taur par sabji kaatne ke upyog mein ata hai lekin agar log iska istemaal murder karne ke liye hi khaas karne lage tab toh badi samasaya janam legi naa usi tarah ladkiyon ko bhi sirf hawas ke najar se naa dekho jine kaa haq use bhi hai apki tarah,khud bhagwan bankar kisi ki jindagi jine kaa haq mat chino,kyunki ladkiyan kisi ke jine kaa haq nahi chinti balki bachche ko janam dekar use jine kaa haq deti hai,aur ap isse jine haq chin rahe hai.jis maa ne apko is dharti par laaya usi maa, behan,beti ko nanga karte nahi thak rahe ho ap yeh kaisi bahaduri hai.
aj ki ladkiyan kuch karna chahti hai aage badhna chahti hai,toh use badhne do uske maarg mein baadha naa bano,nadi ke paani ko clean rahne do kyunki tum ise ganda karoge toh khud tumhaaare pine laayak bhi paani nahi rahega.isliye kahti hoon ram banane ki kosish nahi kar sakte toh kam se kam raavan mat bano.jo bhi male yeh gunah karte hai woh yeh sidh kar dete hai ki woh kitne kamjor hai.jo log balwan hote hai woh kabhi bhi kamjor pe waar nahi karte balki apne barabar waale se muqabala karte hai,jab koi kamjor se ladega toh nischit hi uski hi jit hogi,aise jitne waalo ko bahadur nahi kaayar kahte hai,main bas itna kehna chahti hu ki apni energy ko sahi jagah pe istemaal karke apni bahaduri siddh karo.
ghar ke kaam ke liye bhi kam umar ki ladkiyon ko naukarani banakar kaam karaate hai.
dekhiye bharat ke kal ke future kis tarah aj se lad rahe hain.
humein milkar sochna chahiye ki kya yeh sahi ho raha hai ladkiyon ke saath.ek insaan hi dusre insaan kaa dushman bana hua hai,hum insaan hai chaahe toh kuch bhi kar sakte hai,toh phir kyun naa hum sab milkar ladkiyon ko safe karein,inhe bhi jine kaa mauka de bharat ke vikaash mein inhe bhi apna yogdaan karne de, sirf ladko se hi samaj aur desh kaa vikaash nahi ho sakta.apne kal ko surakchit karein ladkiyon ko bachakar.
Comments
Post a Comment